Британскиот пејач Лијам Пејн, кој беше поранешен член на групата „Уан дајрекшн“, почина на 31-годишна возраст откако паднал од третиот кат на хотелот „КасаСур Палермо“ во Буенос Аирес, Аргентина.

Иако Лиjам на социјалните мрежи сподели фотографија со девојката Кејт Кесиди (25) половина час пред неговата смрт, таа не била со него во Аргентина кога тој трагично загина.

Пејачот бил во Аргентина на гостување на концертот на Ниал Хоран, поранешен колега од „Уан дајрекшн“. Кесиди дошла со него и, како што открила претходно, планирале да останат пет дена, но на крајот останале две недели.

Кејт ја напуштила Аргентина само два дена пред неговата смрт. На 14 октомври, Кејт на својот ТикТок откри дека се вратила во Мајами, додека Лијам останал во Буенос Аирес.

„Искрено, ја сакам Јужна Америка, но мразам да бидам предолго на едно место. Таму требаше да бидеме пет дена, но тоа се претвори во две недели. Бев како: ‘Морам да одам дома’“, рече таа во видеото.

Кејт додала и дека добила „чуден осип“ пред летот поради „анксиозност“ за патувањето. Подоцна признала дека ѝ олеснало кога се вратила дома.

Два дена по нејзиното видео на ТикТок, Лијам беше пронајден мртов откако паднал од третиот кат од хотелот во Буенос Аирес. Пред да се врати во Америка, Кејт сподели фотографии од нејзиното аргентинско патување. Повеќето од фотографиите биле од храната што таа ја јадела таму, а Лијам бил на две фотографии.

„Благодарна сум за малите нешта во животот“, напишала покрај фотографијата со пејачот додека јава на коњ.

Инаку, како што дознаваат странските медиуми, Кејт е инфлуенсерка од Лондон, која дипломирала на Универзитетот во Каролина во пролетта 2021. На Инстаграм ја следат повеќе од 300 илјади луѓе, со кои често споделува фотографии од нејзините патувања. Лијам и Кејт првпат се запознале во октомври 2022 година кога таа го послужила во бар во Чарлстон, Јужна Каролина, а кога тој го побарал нејзиниот број, тоа било остварување на нејзиниот сон, бидејќи таа ја „манифестирала“ нивната врска кога била млада обожавателика на групата „Уан дајрекшн“.

Имаше гласини дека раскинале во мај 2023 година, но парот го негираше тоа кога се појавија заедно во Лондон. Набргу откако нивната врска стана јавна, фановите на Лијам почнаа да ја обвинуваат на социјалните мрежи дека е со пејачот само за неговите пари. Потоа Пејн застана во нејзина одбрана.

„Можете да ми кажете што било и нема да ме навреди. Никогаш не сум ја почувствувал љубовта што ја чувствувам за Кејтилин. Ние еден со друг се правиме подобри луѓе. Ако е со мене само заради парите, би ѝ дал сè што имам. Но, не е (ве молиме запомнете дека сум секси, по ѓаволите), знам дека сум забавна и убава личност. И не ми е гајле, за првпат во животот сум навистина среќен“, се огласи тогаш на Инстаграм.

@kateecasssoooo happpiii to b back in sunshine state♬ original sound – nicole

ФОТО | Се огласи семејството на Лијам Пејн: „Срцата ни се скршени, ве молиме за приватност“