Мари Жозеф Роз де ла Пагери, најдобро запаметена во историјата како Жозефина де Боарне, и Наполеон Бонапарта имале славна страсна афера, а нивните авантури во спалната соба ја маѓепсале Франција – а ги фасцинираат и историчарите ден-денес.

Обожавателите на блокбастерот „Наполеон“ (Napoleon) на Ридли Скот за францускиот владетел, кој го оживеа бракот на Наполеон (го игра Хоакин Феникс) и Жозефина (ја игра Ванеса Кирби), сега повторно ја разгореа интригата околу историската љубовна врска.

Но, постои еден елемент што љубителите на историјата допрва треба да го сфатат – а тоа е познатата техника „цик-цак“ на Жозефина, со која таа знаела како да го одведе својат сакан во кревет.

Нејзиниот метод на задоволување на својот партнер честопати го оставал Наполеон збунет и во копнеж по својата сакана во спалната соба, дури и по нивниот развод. Меѓутоа, што вклучува конкретниот метод на Жозефина останува целосна мистерија.

Но, новинарите на „Дејли мејл“ ја контактирале британската експертка за секс Трејси Кокс и заедно со неа се обиделе да го решат прастарото прашање за тоа како техниката „цик-цак“ знаела да го загрее револуционерниот лидер.

Наполеон, всушност, бил наивен и неискусен кога станува збор за спротивниот пол, а невиноста наводно ја изгубил во париски бордел, иако за тоа му биле потребни четири обиди.

Кога ја запознал фаталната Жозефина, која била шест години постара од него, таа го вовела во светот на сензуалното задоволство, вклучувајќи ја и споменатата сексуална техника. Историчарите се мачеле да откријат што може да вклучува техниката, а Кокс сега конечно понуди конкретни одговори.

„Тоа мора да биде поврзано со орален секс“, изјавила таа за „Фимел“.

Кокс тврди дека би имало повеќе смисла доколку Наполеон го применил тој метод на Жозефина, бидејќи „кога го користите јазикот на „цик-цак“ начин, тоа значи дека ги стимулирате сите области на клиторисот, наместо да се фокусирате на само една точка“, наведува експертката за секс. Меѓутоа, овој метод може да се примени и обратно.

„Можеби го правела тоа додека му давала орален секс, поминувајќи со јазикот преку врвот на пенисот, кој е најчувствителниот дел од половиот орган, за да биде сигурна дека го таргетира френулумот, кој е најчувствителниот дел од пенисот“, објаснува Кокс.

Пред Наполеон, Жозефина била во брак со виконтот Александар де Бохарне и имале две деца, иако тоа сигурно не било љубовна врска со оглед на тоа што Жозефина еднаш изјавила дека неговиот татко го принудил да се ожени со неа. Нејзиниот сопруг Александар на крајот бил погубен на гилотина во текот на Јакобинската диктатура, но Жозефина била спасена кога Робеспјер бил соборен од власт.

Меѓутоа, нејзиното преживување имало свои предности и ја вратило на социјалната сцена, бидејќи аристократите уживале во плодовите на својата слобода.

Тогаш го запознала Пол Барас, постар воен командант, кој го подготвувал за власт својот штитеник, воениот офицер Наполеон Бонапарта. Барас имал многу лоша репутација за морал, па дури се шпекулирало дека бил интимен со Жозефина, пред таа да стане сопруга на Наполеон. Исто така, се шпекулирало и дека таа, всушност, го молела Барас да му ја даде на младиот Наполеон првата важна воена команда, во походот на Италија.

Кога Барас ја запознал Жозефина со Наполеон, таа го убедила младиот човек дека длабоко му се восхитува, а тој целосно ѝ верувал и длабоко се вљубил.

Кога првпат воделе љубов во 1795 година, тој ѝ напишал писмо во седум часот наутро:

„Се разбудив полн со тебе. Сеќавањето на вчерашната опојна вечер не ми даде одмор на моите сетила. Слатка и неспоредлива Жозефина… Од твоите усни и срце го чувствувам пламенот што ме пржи. Се гледаме за три часа, дотогаш мио долче аморе (моја слатка љубов), ти праќам илјадници бакнежи, но немој да ме љубиш, затоа што твоите бакнежи ми ја палат душата.“

Нивната венчавка била скромна, се одржала два дена пред Наполеон да замине за да ја освои Италија во март 1796 година, со што таа станала царица Жозефина, првата царица на Франција.

Нивната врска била многу бурна, а во 1809 година следел развод на нејзино барање, откако не успеала да му роди наследник.

Потоа, во 1810 година, тој се оженил со Мари-Луиз од Австрија и со неа го добил синот Наполеон Втори, кој по абдицирањето на Наполеон во 1815 година, накратко станал император Наполеон Втори.

Мари-Луиз го напуштила Наполеон во 1814 година, кога бил прогонет во Елба.