Последните неколку експлозии на складишта, силоси за нафта и воени згради на руско-украинската граница се чини дека ја „подранија“ сезоната на пожари во Русија. Имено, медиумите пишуваат дека причината за „сомнителните“ пожари кои периодов избувнуваат од „ништо“, на не многу очекувани места, локации кои се од стратешка важност за Москва и нивното војување во Украина, останува мистерија засега.

21 април: Истражувачки институт за противвоздушни и ракетни системи, Твер

За потсетување една од таквите локации која ја зафати пожар беше Централниот истражувачки институт на руските воздухопловни сили во градот Твер во северозападниот дел на земјата. Минатиот четврток избувна пожар од се уште не утврдени причини во зградата на Институтот а руските медиуми јавија дека во „несреќата“ починаа седум лица а бројот на повредени бил околу двесетина.

Како што јавија медумите, неколку вработени во Инстотутот при пожарот дури биле приморани да скокаат низ прозорците на повисоките катови од зградата, чии покрив на крајот се урна.

Руската новинска агенција веднаш објави дека најверојатната причина за пожарот е дефект во старите електрични инсталации, односно не станува збор за воздушен или ракетен напад или пак саботажа. Сепак, секако интересен е податокот дека станува збор за воен институт кој задолжен за развој и подобрување на противвоздушните системи на армијата. Меѓу системите на кои работел наводно Инстотутот биле современиот руски противвоздушен и противракетен систем С-400, како и балистичките ракети Искандер.

21 април: Хемиска фабрика Димитријевски, Кинешма

Подоцна истиот ден, пожар избувна и во хемиската фабрика Димитријевски во градот Кинешма, на околу 400 километри од Москва, една од најголемите такви фабрики во Русија.

„Почнува да се појавува шема“, коментира украинскиот твитерџија Игор Сушко, објавувајќи видео од огромниот пожар.

?BREAKING: Russia – Dmitrievsky Chemical Plant burned down today on the outskirts of Moscow. This is the largest Russian manufacturer of chemical solvents. Located 250 miles EAST of Moscow. We are beginning to see a pattern develop. pic.twitter.com/537LLI2JR7

— Igor Sushko (@igorsushko) April 21, 2022

Тој тврди дека веројатно не е операција на украинската тајна служба за безбедност бидејќи  Украинците се преокупирани со борбата против руската армија во Украина, а последиците од загубата на овој воен истражувачки институт ќе се почувствуваат само на долг рок.

„Моја прогноза: Ако видиме дека се развива шема која вклучува уништување на такви воени објекти во Русија, тогаш тоа е веројатно саботажа на руските антипутински сили кои конечно се организираат“, заклучи Сушко.

22 април: Руски научен центар за ракети и вселенски летала, Королев

Еден ден подоцна, во петокот пред една недела, се појави видео од нов пожар, овој пат во Королјов, мал град во московскиот регион. Според непотврдени информации од медиумите, пожарот избувнал во комплексот во кој се наоѓа рускиот научен центар за ракети и вселенски летала (попознат по акронимот TsNIIMash), главниот аналитички центар на руската вселенска агенција Роскосмос. И во оваа снимка може да се види огромен столб од црн чад, со огнени сирени во позадина.

The Russian Rocket and Spacecraft Scientific Center in Korolyov is on fire right now.

It’s the main analytical center of the Russian Space Agency (Russian NASA) Roskosmos.

2 strategic fires yesterday, 1 today.

Greeting from Ukraine? pic.twitter.com/h48L0rDbAH

— Visegrád 24 (@visegrad24) April 22, 2022

25 април: Два магацини за нафта и муниција, Брјанск

Потоа, неколку дена подоцна, во понеделникот, уште еден огромен пожар избувна во складиштето за нафта и поврзаниот нафтовод во рускиот град Брјанск, што беше потврдено од руските новински агенции. Набргу потоа, во воено складиште за нафта на само неколку стотини метри имаше уште еден пожар, што може да се види на снимката која се појави на социјалните мрежи. Русија се уште детално не ја објави причината за пожарите.

Looks like another Russian fuel depot is on fire.. this time in Bryansk – one of the key transit points of Russian armor on the way towards Ukraine.. pic.twitter.com/m7rblEMUwq

— Igor Schatz (@Copernicus2013) April 25, 2022

Во исто време руското министерство за вонредни ситуации соопшти дека пожар избувнал во текот на ноќта во објект во сопственост на Транснефт и дека нема потреба да се евакуира ниту еден дел од градот со 400.000 жители. Сепак, економската и воената штета не е занемарлива, според извештаите на новинските агенции околу 5.000 тони нафта или гориво биле складирани во воениот магацин, а уште 10.000 тони во цивилниот магацин, количина на нафта која е вредна и по неколку милиони долари.

Украина не презема одговорност за нападите

Во меѓувреме официјална реакција од Украина нема за нападите во на руската територија. Според пишувањата на британски Телеграф, барем еден од објектите можно е да бил погоден со балистичка ракета „Точка-у“ од советско производство, која Украина и Русија сè уште ја имаат во својот арсенал, иако Русија лажно тврдеше дека ја исфрлила од употреба. Сепак Брјанск е навистина во домет на ракетата „Точка-у“, анализираат експерите бидејќи е на само стотина километри од украинската граница.

„Тоа може да се случи. Мислам дека тоа е веројатно украински напад, но не можеме да бидеме сигурни“, изјави за Гардијан американскиот воен аналитичар Роб Ли.

Тој додава дека оваа мета, но и останатите неколку на руско-украинската граница тешко можат да бидат направени од невнимание на Русите или причината нивна да биде оставена на случајност.