Градоначалникот на Куманово, Максим Димитриевски, денеска побара одговори од државниот врв по инцидентот кој се случи синоќа, односно новата масовна тепачка во градот. Инцидентот е забележан на безбедносна камера, а денеска беше објавена снимка, на која се гледа како две момчиња бегаат од група од 15-мина луѓе во центарот на градот.

„Во интерес на јавноста, барам одговор од надлежните во МВР во врска со синоќешните настани во Куманово“, пишува кумановскиот градоначалник.

„Кој тоа се обидува да го наруши соживотот во Куманово и дали оваа е само изолиран инцидент? Дали концертите кои предпет дена го наполнија плоштадот со млади Македонци, Албанци, Срби, Роми, Турци, Власи, Бошњаци, Црногорци и др. можеби вознемирија поедини политички субјекти и самопрогласени авторитети па навлегуваат во веќе видени сценарија? Чекам одговор од Спасовски, Ковачевски и Ахмети?“, напиша на Фејсбук Димитриевски.