Кражба на грозје го потресе германски Гундхајм: непознати сторители го украле речиси целото зрело грозје на површина од 8.000 квадратни метри?! Погодените сорти биле ризлинг и совињон блан. Крадците им предизвикале значителна финансиска штета на лозарите од неколку илјади евра. Грабежот бил извршен многу професионално и со одлична логистичка подготовка. За транспорт на толку голема количина грозје морало да се користи барем едно големо возило или неколку транспортни средства. Кражбата била откриена дури кога работниците тргнале на берба. Полицијата ги повикува жителите, пешаците и учесниците во сообраќајот да пријават какви било сомнителни лица или возила во близина на лозјата помеѓу 6 и 14 септември 2025 година, а сите информации може да се достават до полициската станица Алзеј, информира Феникс магазин.