Европската унија е во преговори со фармацевтските компании „Модерна“, „Санофи“ и „Џонсон& Џонсон“, кзко и со биотехнолошката „БиоНтек“ и КјурВак“ за купување на вакцини против ковид-19, открија два извори на Ројтерс упатени во договорањето.

– Информациите за тековните разговори ги сподели Европската комисија, извршната рака на ЕУ, со европските министри за здравство на состанокот во вторникот во Берлин, велат извори, кои ги пренесува „Јаху Њуз“.

Разговорите на повеќе „фронтови“ го покажуваат изразениот став на блокот што се однесува на обезбедување на потенцијални вакцини и лекови, откако САД во рана фаза направија чекори кон развој на третманот.

– Разговараме со неколку компании за развојот на можна вакцина против ковид-19, рече портпаролот на ЕК во петокот, но не именуваше кои фирми се во прашање зошто преговорите се доверливи.

Ширум светот се развиваат и се тестираат повеќе од 150 можни вакцини за да се запре актуелната пандемија од коронавирус. Од 23 клинички испитувања на вакцините врз луѓе најмалку 3 се во финална „фаза 3“ вклучувајќи ги кандидатите од кинеската „Синофарм“ и „Соновак биотек“, и „АстраЗенека“ и Универзитетот Оксфорд.

Но изгледа дека преговорите најмногу напредуваат со фирмите „Санофи“ и „Џонсон&Џонсон“, зошто со нив ЕУ дискутира за деталите за потребниот број на дози, јавува Ројтерс.

– Со американскиот гигант „Џонсон&Џонсон ЕУ преговара за набавка на 200 милиони дози можна вакцина, рекоа извори од агенцијата додавајќи дека можеби ќе бидат достапни и дополнителни количества.

Европскиот блок исто така планира да обезбеди во втората половина од следната години 300 милиони дози потенцијална вакцина од француската фирма „Санофи“ која развива свој лек во соработка со британската „ГлаксоСмитКлајн“, велат изворите. Од „Санофи“ за Ројтерс рекоа дека се во „напредни преговори со ЕУ околу испоракат ана 300 милиони дози“.

Преговорите се одвиваат, наведуваа извори и со американската фирма „Модерна“ чија експериментална вакцина се покажа оваа недела како безбедна и предизвика имунолошка реакција кај сите 45 здрави волонтери во тековната рана фаза од истражувањето. Од „Модерна“ во петокот потврдија дека преговараат со европсктие земји за вакцина, но дека во оваа фаза се уште не постигнале договор.

ЕУ преговара и со германските биотехнолошки фирми „БиоНтек“ и „КјурВак“ за купување на потенцијални вакцини. Двете фирми, на кои веќе им се понудени европски фондови за развој на вакцината, не ги коментираа наодите на изворите на Ројтерс.

„БиоНтек“ развива вакција во соработка со американски „Фајзер“, а до крајот на оваа година би можеле да бидат достапни 100 милиони дози.

“Јаху њуз“ наведува дека „КјурВак“ е пионер во пристапот кон информационата РНК (iRNK), наречена по тоа што носи упатства за редоследот на аминокиселини и протеини кои ќе се синтетизираат според нив. ДНК е носителот на наследните инфоромации во клетката, додека РНК учествува во преносот на тие информации и нивното пренесување во протеини. Тој пристап го презедоа и „БиоНтек“ и „Модерна“.

Разговорите во име на ЕУ ги водат преговарачи кои ги избра управувачката група во која се претставени сите 27 членки на ЕУ. Кога ќе дојде до догоовор, државите на ЕУ ќе може да порачаат од компаниите точни количества вакцини за својата популација. Доколку дозите не бидат доволни за сите Европејци, вакцините ќе се дистрибуираат врз основа на демографски и епидемиолошки податоци, велат од ЕК.

Трет извор од ЕУ за Ројтерс изјави дека блокот исто така преговара за договор на Германија, Франција, Италија и Холандија со „АстраЗенека“, за да се обезбеди сите европски држави да имаат еднаков пристап до дозите обезбедени во иницијалниот договор. Извор рече дека преговорите ги поддржуваат четирите држави кои први го потпишаа договорот

Како напредуваат вакцините?

Според „Гардијан“, кинеската компанија „Синовак“, која развива вакцина заснована врз неактивни честички на Ковида-19, е во третата фаза на тестирање. Вакцината се покажа како безбедна во раните фази на тестирањето и сега е пренесена во фаза 3 во Бразил.

Во слична позиција се и Универзитетот Оксфорд и „АстраЗенека“. Вакцината се развива преку вирусот на шимпанза наречен векторна вакцина. Овој вектор содржи генетски код на протеински шилци пронајдени на коронавирусот и предизвикува силна имунолошка реакција во човечкото тело. Вакцината е во комбинирана 2-3 фаза во Велика Британија, додека во Јужна Африка и Бразил неодамна влезе во фаза 3.

Вакцината, која ја развиваат кинеската компанија „КанСино биологикс“ и Институтот за биотехнологија во Пекинг – близок до кинеската армија – покажува, како што велат, ветувачки резултати во фаза 2 од тестирањето, но сè уште јавно не е објавен ниту еден и податок од испитувањето. Во првиот случај во светот, нивната вакцина е одобрена за употреба во војската, но не е јасно колку широко ќе се дистрибуира.

Американската „Модерна“ развива вакцина со помош на iРНК со цел да го измами телото самостојно да произведува вирусни протеини. Ниту една вакцина против iРНК не е одобрена за заразна болест и „Модерна“ никогаш не го пуштила производот на пазарот, посочува „Гардијан“. Но, оние што се залагаат за тоа, велат дека ќе биде полесно за масовно производство отколку традиционалните.

Неодамна беше објавено дека вакцината на „Модерна“, која компанијата ја развива со американскиот Национален институт за здравство, предизвикува имунолошки одговор кај сите доброволци кои ја примиле дозата во фаза 1 од студијата и стана прв кандидат на САД за вакцина чии резултати се објавени во стручно списание. Вакцината се очекува да влезе во фаза 3 на крајот на месецот. „Модерна“ наведе дека, ако се биде добро во продолжувањето на испитувањето, може да испорачува околу 500 милиони дози годишно, а може и милијарда, почнувајќи од 2021 година.

Детскиот истражувачки институт Мердок во Австралија и Универзитетот Мелбурн спроведуваат фаза 3 со помош на речиси 100 години старата вакцина против туберкулоза. Се смета дека таа не штити директно од ковид-19, но може да го зајакне неспецифичниот имунолошки одговор на телото.

Следниве компании се во првата фаза на тестирање:

„Иновио Фармасеутикалс / Меѓународен институт за вакцини

Универзитет во Осака / АнГес / Такара Био

Кадила Хелткер Лимитид

Институт за биолошки производи Вухан / Синофарм

Пекиншки Институт за биолошки производи / Синофарм

Барат Биотек

Новавакс

БиоНТек / Фосун Фарм / Фајзер

Гинексин Конзорциум

Институт за медицинска биологија, Кинеска академија за медицина

Институт за истражување Гамалеја

Кловер биофармасеутикалс / ГСК / Динавекс

Anhui Џифеи Лонгкон биофармасеутикал / Институт за микробиологија, Кинеска академија на науките

Ваксин Пти  / Медитокс

Универзитет Квинсленд / ЦСЛ / Секирус

Кралски колеџ Лондон

Кјурвак

Воена академија на кинеската народноослободителна армија / Валвакс биотек

Медикаго

Што се наоѓа во Оксфорд вакцината која треба да нѐ заштити од коронавирусот?