Дури и кога не се во употреба, тие трошат киловати, само затоа што се постојано поврзани со извор на енергија. Сите електронски уреди што имаат дисплеј, како што се телевизори, лаптопи, компјутери, машини за перење, шпорети, микробранови печки, но и полначи, приемници, рутери… ги зголемуваат сметките за електрична енергија само затоа што се постојано вклучени во штекери. Додека се „во мирување“, потрошувачката е мала, но сепак влијае на месечните трошоци на секое домаќинство.

Затоа Европската Унија (ЕУ) започна со спроведување построги правила за потрошувачката на електрична енергија на електричните уреди во режим на подготвеност, или „стендбај“ режим, на почетокот на мај. Целта на оваа мерка е да се намали скриената потрошувачка на енергија, а со тоа и сметките.