Дали некогаш ви се случило неочекувано да ве гризне вашата мачка? Сигурно се прашувате која е причината за тоа. Колку и да ја познавате вашата мачка, таа одвреме-навреме ќе ве изненади со своето однесување, особено ако одлучи да ве гризне.

Верувале или не, ова воопшто не е толку изолирано однесување, а зад него стојат многу објаснувања од експерти.

Една од причините можеби е кога мачката упорно го бара вашето внимание. Кога неочекувано ќе ве гризне, не реагирајте агресивно, туку земете ја во раце и погалете ја. Можеби таа го барала вашето внимание и пред да ве гризне, но вие сте ја игнорирале.

Мачката може и нежно да ве гризе кога е гладна, сигнализирајќи ви да ја ѝ наполните чинијата со храна.

Но, ако мачката често напаѓа и ве гризе, можеби не знае дека тоа не треба да се прави. Ова е вообичаено кај напуштените мачки кои не пораснале во легло. Но, што и да стои зад ваквото гризење, добро е да ја одвикнете.

Мачките можат да гризат и кога се под стрес. Тоа е нејзиниот последен потег за да ви укаже дека е под стрес, бидејќи мачката со своето однесува секогаш покажува како се чувствува, само треба внимателно да ја гледате.

Инаку, положбите на опашката и положбата на спиење се многу значајни и откриваат многу за благосостојбата на вашата мачка. Доброто разбирање на вашето домашно милениче е клучот за пријатен соживот и благосостојбата.