Кои се најчесто крадени автомобили во Германија?
Пред да почнеме, не, не е голф
Крадците на автомобили во Германија станале многу пребирливи.
Дури седум од десет украдени автомобили припаѓаат на премиум SUV сегментот, а иако во 2020-та година биле украдени помалку автомобили од годината претходно, вкупната штета се проценува на 214 милиони евра.
Препорачано
-
1
-
2
-
3
Според извештајот на Здружението на германската осигурителна индустрија (GDV), минатата година биле пријавени 10.697 украдени автомобили со сеопфатно осигурување, што е значително помалку од претходната година (14.229). Осигурителните компании во просек плаќале над 20.000 евра за покривање на штетата, пишува Карскупс.
Кои се најчесто крадени автомобили во Германија?
Деветтото и десеттото место меѓу најчестите цели на крадците со стапка од 3,4 украдени автомобили на 1000 осигурени единици ги делат BMW X5 и Hyundai Santa Fe.
На осмото место е Porsche 911 (3,5 украдени единици на 1.000 осигуреници) со просечна цена на штета од 52.794 евра.
На седмото место, изненадувачки, е најприфатливиот автомобил на листата, Toyota Prius (3,9/1000), за кој сопствениците бараа во просек 19.770 евра.
Петтото место го делат Lexus NX и Toyota Land Cruiser (4,3 / 1.000) со просечни 28.718 евра и 38.794 евра, соодветно.
Четвртиот, воедно и најскап автомобил на листата е Range Rover (5,9/1000) со просечни 60.067 евра штети од осигурителните компании.
Третото место е на Kia Stinger (6,7 / 1.000) со просечни 31.738 евра, а второ за BMW X6 (9.0 / 1.000) со 45.408 евра.
Апсолутен крал
Апсолутен крал на озлогласената листа е Range Rover Velar со стапка од 15,5 украдени на 1.000 осигурени примероци и просечна цена на отштета од 52.158 евра.
Најбараната марка на автомобили меѓу крадците е Land Rover со сооднос од 1,9 украдени единици на 1.000 осигуреници. Второто место е на Porsche (1.0 / 1.000), по што следат Mazda (0.7 / 1.000), Mitsubishi (0.5 / 1.000), Toyota и Lexus (0.5 / 1.000), соодветно.
