Кога имаме расфрлање со пари на сите страни, најмалку треба да штедиме на пензионерите. Од владата нема јасен предлог за пензиите, тие велат прават анализи како и секогаш и на крај ќе добиеме некое популистичко решение. Кога станува збор за усогласувањето на пензиите, она што го најавуваат одржлива формула го гледаме на секои 3-4 години и посотојано се менуваат, рече во вечерашното издание на „Анализа“ на Телевизија 24 професорот Трајко Славески, претседател на Советот на Град Скопје и член на ИК на ВМРО-ДПМНЕ.

Тој вели дека секогаш кога просечната пензија ќе падне под 60% од просечната плата, а таква состојба имаме сега, оправдано е зголемување на пензии и со вонредна мерка.

„Имавме долг период со нулта стапка на инфлација и тогаш немаше со што да с еусогласува, единствено само со порастот на палти. А да потсетам токму владата на СДСМ го смени моделот и ги исклучи платите. Сега затоа што се смени состојбата има висока стапка на инфлација“, рече Славески.

Тој наведе дека усогласувањето на пензионерите треба да им ја заштити куповната моќ и затоа пензиите мора да се усогласат спрема индексот на трошоци и порастот на платите.

„Проблем е што било која формула да ја примените, има дисбаланси каде просечната пензија ќе заостане зад просечната плата, така беше пред 2005 година. Оттука, вонредните зголемувања кои потоа ги критикуваше СДСМ во 2008 и 2009 година доведоа просечната пензија од 50% од просечната плата да се искачи на 60%. Сега, пак, таа изнесува 54% просечна пензија во однос на просечна плата“, речеСлавески.