Дури и за најголемите љубители на пикантна храна, некои производи ќе бидат премногу лути и ќе предизвикаат сериозни здравствени проблеми.

Колку е некое јадење пикантно зависи од видот на пиперката, но и од личноста. За повеќето луѓе, капсаицинот, активната состојка што им дава на чили пиперките вкус и пикантност, е безбеден во количините што вообичаено ги консумираме. Некои истражувања дури сугерираат дека го подобрува нашето здравје, пишува „Саенс фокус“.

Меѓутоа, во повисоки концентрации, капсаицинот може да биде многу штетен. Предизвикува металоиди и оток на желудникот, како и компликации на постоечките состојби како што е синдромот на нервозно дебело црево, а може да биде токсичен и за децата.

Во 2023 година, 14-годишно момче во Америка, со веќе постоечка срцева болест, почина откако јадеше премногу пикантен чипс како дел од предизвикот на социјалните мрежи.

Тешко е да се каже што е опасна доза, но овде не зборуваме за Табаско. Најлутите чили пиперки во светот имаат поголем број на пикантни единици на Сковиловата скала (скала што се користи за рангирање колку се лути пиперките) од лутиот спреј за одбрана и може да бидат до 100 пати посилни од сосовите што ги користиме за зачинување на вечерата.

Се проценува дека во светот има 50.000 видови чили пиперки, што е резултат на припитомувањето на ова растение пред повеќе од 6.000 години во Перу и Мексико. Овие пиперки спаѓаат во пет категории – капсицум анум, капсицум чиненс, капсицум фрутесценс, капсицум бакатум и капсицум пубесценс.

Најлутата пиперка во светот е „Каролина рипер“, одгледувана од Ед Кари во Форт Мил, Јужна Каролина. Признаен како најлутата пиперка во Гинисовата книга на рекорди, оваа пиперка го достигна врвот на околу 2,2 милиони единици на Сковил сакалата.

За споредба, пиперките халапено содржат околу 2.500 до 8.000 SHU, а кајенските пиперки од 30.000 до 50.000 SHU. Во 2018 година, 34-годишен маж заврши во собата за итни случаи жалејќи се на силни главоболки само неколку дена откако ја изел оваа пиперка. Newsweek објави дека скенирањето на мозокот открило стеснети артерии кои конечно се вратиле во нормала пет недели подоцна.