На „Иланд роуд“ после 16 години повторно ќе се играат натпревари од најсилното англиско првенство. Менаџерот Марсело Биелса на клупата е свесен дека не е така лесно да се обезбеди опстанок во Премиер лигата, па летово ги прави потребните промени за остварување на една од основните цели.

Лидс во чии редови настапува и македонскиот репрезентативец Езџан Алиоски, денеска го промовираше новото летно засилување преку кое беше поставен нов клупски трансфер рекорд, вреден 30 милиони евра.

? #WelcomeRodrigo pic.twitter.com/aEu0xPOPJm

— Leeds United (@LUFC) August 29, 2020

Досега титулата најскапо засилување во историјата на Лидс ја имаше Рио Фердинанд кој во 2000 година беше платен 26 милиони евра доаѓајќи од Вест Хем.

Лидс и Валенсија уште пред неколку дена успешно ги завршија преговорите за трансфер на Родриго Морено, одличен играч на крилната позиција кој беше голема желба и Барселона.

Тој официјално потпиша договор на четири години со екипата на Лидс кој да потсетиме во првото коло од новата сезона ќе игра на „Енфилд“ против Ливерпул.

Rodrigo Moreno has replaced Rio Ferdinand as Leeds United's record transfer signing.

? https://t.co/iPSy1G5ggP #LUFC pic.twitter.com/IQ9gL1dpX8

— BBC Sport (@BBCSport) August 29, 2020

Родриго од 2015 година играше за Валенсија со 141 натпревар и 35 голови, претходно беше дел од Б и Ц тимот на Реал Мадрид, најголемите успеси ги оствари со Бенфика (68 мечеви, 27 погодоци), шампион на Португалија, двапати по ред финалист во Лига Европа.

А веќе има искуство од Премиер лигата настапувајќи како позајмица во редовите на Болтон.