Холандскиот репрезентативец Џорџино Вајналдум на крајот од сезоната ќе го напушти Ливерпул и тоа како слободен играч. Заминувањето на Вајналдум кој е еден од клучните играчи на Ливерпул во средината на теренот е неизбежно откако фудбалерот не ги прифати понудените услови за нов договор и ѝ порача на управата дека сака нов предизвик. Како негова следна дестинација засега се споменуваат само два тима, Барселона и ПСЖ.

Менаџерот на Ливерпул, Јирген Клоп, експресно реагира и најверојатно ја пронајде замената за Вајналдум во Серија А. Станува збор за аргентинскиот репрезентативец и фудбалер на Удинезе, Родриго де Паул.
Според „Дејли Мејл“, Ливерпул за Де Паул подготви понуда тешка 30 милиони евра што би требало да биде доволно за Удинезе да се согласи да го продаде својот најдобар фудбалер. За Де Паул, веќе извесно време се интересираат и екипите на Интер и Јувентус, но тешко е дека ќе можат финансиски да ја изджат трката со Ливепрул.