Ријалити ѕвездата Клои Кардашијан проговори за сите естетски зафати на кои се подложила, откако еден доктор на социјалните мрежи шпекулирал што сè има променето на себе. Докторот Џонатан Бетерич сподели видео со стара фотографија од Клои и нови фотографии направени за време на свадбата на основачот на Амазон, Џеф Безос, и новинарката Лорен Санчез.

Кардашијан во коментар под видеото нагласила дека првата фотографија е стара 15 години и рекла дека видеото на докторот го смета за комплимент.

„Во минатото бев многу отворена за тоа што сум правела“, напишала и потоа објавила список на сите естетски зафати на кои се подложила.

Таа потврдила дека има направено операција на нос кај еден пластичен хирург во Беверли Хилс, и дека има правено ласерско отстранување на влакна на целото тело. Спомнала и ботокс, како и популарни третмани за подмладување на лицето.

„Филери имав во минатото, но не и во последниве неколку години (слушам дека никогаш целосно не исчезнуваат, па сигурна сум дека сè уште се таму, но се смириле)“, додала таа.

Клои истакнала дека најголем придонес во нејзината трансформација имал губењето килограми. „Со години изгубив 36 килограми (полека и со мирно темпо)“, напишала. Додала и дека направила третман со колагенски нишки под брадата и на вратот, а рекла и дека пробала различни други процедури.

„Третмани за лице со сперма од лосос, редовни третмани за лице, пептиди, витамини и секојдневна нега на кожата“, навела Кардашијан.

„Во 2025 година постојат многу други работи што можеме да ги направиме пред да се одлучиме за операција, но кога ќе дојде моментот и ако се решам на тоа, познавам одлични лекари“, заклучила таа.

ФОТО | „Мора сите да користите Оземпик?“: Клои Кардашијан го покажа мускулестото тело во бикини и наиде на критики дека е премногу слаба