Министерот Азир Алиу за нов директор на Клиниката за кардиологија ја именуваше докторката Даница Петкоска Спирова. Таа е именувана во текот на вчерашниот ден.Петкоска – Спирова доаѓа на местото на примариус доктор Беким Поцеста.

Петкоска Спирова е истакнат субспецијалист кардиолог, дипломирала на Медицинскиот факултет во Скопје во 2007 година, а докторирала во областа на инвазивни техники за третман на каротидната артериска болест. Од 2011 година е вработена на Клиниката за кардиологија, каде што ги применува своите напредни дијагностички и терапевтски вештини стекнати и при престои во реномирани светски кардиолошки центри. Има бројни научни публикации во списанија со висок импакт фактор и е учесник во меѓународни научни студии од областа на кардиологијата.