Финалниот натпревар од Лигата на шампионите во 2016 година помеѓу Реал Мадрид и Атлетико Мадрид го судеше Марк Клатенбург.

Четири години подоцна Клатенбург призна дека водечкиот гол на Реал во првото полувреме беше нерегуларен, бидејќи Серхио Рамос беше во офсајд позиција.

– Во финалето, Реал поведе со 1:0 во првото полувреме, но во овој погодок имаше навистина мал офсајд. Го сфативме на паузата меѓу двете полувремиња. Беше тоа тешка ситуација – рече англискиот арбитар за „Дејли Мејл“.

Во второто полувреме Атлетико успеа да израмни преку Караско, па мечот отиде во продолженија, а новиот европски шампион го дознавме во пенал серијата.

На „Сан Сиро“ во Милано подобри „пенелџии“ беа фудбалерите на Реал со 5:3 и така ја освоија првата од трите титули по ред во ЛШ.

Во својата кариера Клатенбург го судеше и финалето на Европското првенство во 2016 година, беше меѓу најдобрите светски судии, а во 2017 изненадувачки ја напушти Премиер лигата, па одлучи да суди натпревари во Саудиска Арабија, а потоа и во Кина.