Во Општина Аеродром ќе се гради нов објект на најстарата градинка во оваа општина „Пчелка 1“, за што денеска беше потпишан договор помеѓу градоначалникот  Дејан Митески и министерот за социјална политика, демографија и млади, Фатмир Лимани.

Со овој проект, не рушиме само ѕидови, туку завршуваме едно поглавје полно со спомени и отвораме ново, посветено на иднината на нашите најмали. Во градинката ќе растат уште многу генерации, но во нов, модерен, безбеден и топол објект што ќе згрижува 265 дечиња, далеку повеќе од сегашниот капацитет. Површина од 2.600 м², многу нови занимални, современи услови и безбедна околина. По завршување на тендерската постапка, објектот ќе се гради во три фази, внимателно и со љубов, затоа што не градиме само градинка, градиме спомени, детство и сигурна иднина за секое дете, информираат од Аеродром.