Легендарниот канадски музичар Брајан Адамс доаѓа во Скопје, во рамки на неговата актуелна светска турнеја. Настанот ќе се одржи на 27 април во СЦ „Јане Сандански“ во 20 часот и ќе биде ограничен на само 2.500 посетители.

Ова е уникатна можност за македонската публика да ужива во акустичните изведби на безвременските хитови на еден од најголемите светски хитмејкери. Со кариера што трае повеќе од четири децении, Адамс зад себе има над 20 мегахитови и неколку милионски албуми, а неговите песни како „Heaven“, „Summer of ’69“, „Please Forgive Me“, „All for Love“ и „Have You Ever Really Loved a Woman“ се врежани во музичката историја.

Овој концерт носи посебна интимност – на сцената ќе бидат само Брајан Адамс со неговата гитара и неговиот долгогодишен соработник и пијанист Гери Брајт. За 90 минути, публиката ќе биде сведок на искрено и катарзично музичко патување, исполнето со глас, пијано, гитара и чиста емоција.

Поради концептот на концертот, капацитетот на салата ќе биде намален, а сите влезници ќе бидат за седење. Продажбата започнува на четврток, 27 февруари, во 10 часот наутро преку avalonbooking.mk. Деталите за цените и категориите на билети ќе бидат објавени вечерва во 19 часот на официјалните платформи.

Ова е концерт кој не се пропушта – уникатно доживување што ќе го запаметат само 2.500 среќници!

Брајан Адамс за односот со принцезата Дијана: Се обидов да ја спасам од сè