За време на интервјуто за ABC, австралиски медиум, тенисерот Ник Кирјос уште еднаш потврди дека не е храбар човек, а исто така и дека се смета себеси за голема фигура во својот спорт, иако играл само во едно финале на грен-слем.

Реагирајќи на пензионирањето на големите шампиони Рафаел Надал и Енди Мари, Ник даде изјава:

– Гледам како заминаа Енди Мари и Рафаел Надал. Не сакам да ползам до целта на ист начин. Мислам дека операциите, болката, сите тие работи не се исплатат, според мене – изјави контроверзниот тенисер.

Австралиецот пред неколку недели најави дека ќе прави камбек, по две години пауза.

Камбекот треба да започне на Светската тениска лига во Абу Даби во декември. Тоа е егзибициски настан кој се игра во текот на четири дена од 19-22 декември, со играчи поделени во тимови.

Потоа би играл на Австралија опен 2025. Крајна цел му е да освои грен-слем турнир и да ги замолкне критичарите.

– Би можел да се вратам сега и да победам 50 отсто од играчите. Но, јас не сакам така… Затоа што моите фанови заслужуваат подобра верзија од мене. Не сакам само да учествувам – вели Австралиецот (29).