Хитот на Нетфликс „Црна гулабица“ ја истражува темната страна на шпионските организации врз основа на реални скандали од британските разузнавачки агенции во 2000-тите и 2010-тите години. Клучниот момент се случил во 2010 година кога протекле информации за незаконските активности на агентите, вклучително и шпионирање на граѓаните и нарушување на приватноста.

Креаторот на серијата, Џо Бартон, создаде фикционализирана, но реалистична приказна која го поставува прашањето колку од својот живот агентите се подготвени да жртвуваат во име на националната безбедност.

Серијата „Црна гулабица“ ги воодушеви корисниците на Нетфликс. Во шест епизоди носи акциска приказна со шпионски елементи, а Џо Бартон откри што го инспирирало да го создаде новиот хит на Нетфликс.

Бартон за приказната за жената со двоен живот добил инспирација од вистинската приказна која ја потресе Велика Британија.

Хелен, која ја глуми Кира Најтли, води двоен живот: иако изгледа како совршена домаќинка, мајка полна со љубов и прекрасна сопруга, таа е и членка на шпионската организација „Црна гулабица“.

„Читав за тие полицајци шпиони, за тие луѓе кои се инфилтрираа во групата за заштита на животната средина и на крајот имаа деца со нив. Мислам, навистина ужасна приказна, многу помрачна од оваа. Но, помислив, во ред, таа идеја, таа дволичност на лажен брак што трае со години и години и години и потоа исчезнува. Мислам дека и тоа беше дел од инспирацијата“, рече Бартон.

Станува збор за скандал во кој бил откриен тајниот живот на полицајците кои поминале години на тајна задача во лажна реалност во текот на која основале семејства. Освен тоа, освен децата како колатерални жртви на дволичноста на животите на тајните агенти, откриено е дека агентите вршеле и некои коруптивни дејствија во рамките на разузнавачките агенции, поради што се наметна и прашањето за нивниот морал.

Токму оваа сложеност и моралните дилеми се клучот за големото внимание што го привлече серијата.

На британската глумица Кира Најтли, ова ѝ е прва серија по успешните филмови.

„Ја избрав затоа што во бројни филмови таа играше лик со две страни на личноста, онаа што ја прикажува на јавноста и подлабоката, приватната. Нејзиното срце копнее по едно, но се помирува со она што го има. Општеството има јасни очекувања од неа, но однатре таа секогаш гори да биде своја“, го објасни Џо Бартон својот избор на Најтли за главната улога.