Научниците од институтот во кинескиот град Гуангжу успеаја да развијат бубрежно ткиво со човечки клетки од свински ембриони, што го отвори патот за „производство“ на органи за донација.

Тимот, предводен од Лиангзуе Лаи од Институтот за биомедицина и здравје, ја објави студијата во научното списание Stem Cell.

Нивната работа зависела од „исклучување“ на гените SIX1 и SALL1 во ембрионите со помош на Crispr/Cas – алатка која често се опишува како генетски ножици.

Тоа значи дека ембрионите не развиле свински бубрег и дека е формирана празнина во која се вметнати т.н. „плурипотентни“, односно човечки матични клетки од папочна врвца.

Вака развиените бубрези содржеле повеќе од една третина од свински клетки, што може пак да доведе до отфрлање во случај на трансплантација, велат научниците кои нагласуваат дека процедурата допрва треба да се подобри.