Тим кинески научници создадоа нешто што до неодамна беше речиси незамисливо – контактни леќи со кои сите можат да гледаат како суперхерои. Леќите им овозможуваат на луѓето да гледаат инфрацрвена светлина дури и со затворени очи.

– Нашето истражување има потенцијал да создаде неинвазивна технологија што им дава на луѓето суперхеројски вид. Постојат многу потенцијални апликации за овој материјал. На пример, трепкачките инфрацрвени светла би можеле да пренесуваат важни информации во секторите за безбедност, спасување, енкрипција и борба против фалсификување – рече Тиен Сјуе, невронаучник од Универзитетот за наука и технологија во Кина.

Контактните леќи содржат наночестички кои апсорбираат инфрацрвена светлина и ја претвораат во спектар видлив за очите на цицачите. Наночестичките овозможуваат гледање на инфрацрвена светлина, која инаку е невидлива за човечкото око, пишува „Физ“ (Phys.org).

Тимот првично покажа дека овие наночестички им овозможуваат на глувците да гледаат инфрацрвена светлина кога ќе блесне во очите на животните. Сепак, тие одлучија да најдат помалку инвазивна опција, а тоа се меките контактни леќи.

Прво го тестирале на глувци, а потоа и на луѓе.

– Сè е јасно: без леќи, пациентите не можат да видат ништо, но со нив можат точно да ја видат инфрацрвената светлина. Исто така, откривме дека кога ги затвораат очите, гледаат уште подобро бидејќи видливата светлина не се меша во детекцијата на инаку невидливата светлина – рече Сјуе.

Како што велат, овие леќи би можеле да им помогнат на далтонистите да видат бои што вообичаено не можат да ги видат.

Студијата е објавена во списанието „Сел“ (CELL).