Кина би можела да ја тестира својата дигитална валута меѓу странските спортисти на Зимските олимписки игри во Пекинг во 2022 година. Ова го изјави заменик гувернерот на Националната банка на Кина (PBOC) Ли Бо, додавајќи дека целта на дигиталниот јуан (или е-CNY) не е да ја замени улогата на доларот на меѓународната сцена, пишува SEEbiz порталот.

PBOC започна со истражување на дигиталниот јуан во 2014 година, а неодамна започна низа пилот-проекти низ Кина кои им овозможуваат на жителите на градот, вклучително и Шенжен и Пекинг, да тестираат валута со трговците. Целта е да се заменат готовината и монетите во оптек и да се зголемат безготовинските плаќања во Кина. Не е криптовалута и не е дизајнирана како биткоин.