Ким Кардашијан и нејзината мајка Крис Џенер го тужат музичарот Реј Џеј за клевета, откако тој тврдеше дека соработува со федералните власти во случајот (РИКО) RICO против нив, пишува „Пејџ сикс“.

Реј зборуваше за обвинувањата на Диди за рекетирање во документарецот „TMZ Presents: United States v. Sean Combs: Inside the Diddy Trial“ во мај и рече дека истите обвиненија би биле соодветни за семејството Кардашијан. „Ако ми кажете дека Кардашијан се обвинети за рекетирање, можеби ќе поверувам“, рече тој во тоа време.

Тој, исто така, изнесе обвинувања против Ким и Крис за време на неодамнешното емитување во живо со Крисиан Рок, каде што рече дека веќе работи со агенти на случајот. „Федералното обвинение на RICO што ќе го поднесам против Ким и Крис ќе биде лудо. Ви велам – ќе бидам на вести секој ден. Ќе кажувам многу глупости. Секој што е добар со Ким треба да ѝ каже за ова. Федералните агенти доаѓаат. Нема ништо што можат да направат во врска со тоа“, рече тој, додавајќи дека нивниот наводен случај ќе биде „полош од Диди“.

Сепак, Ким и Крис решија да му возвратат на музичарот и поднесоа обвиненија против него. „Не можејќи да го прифати крајот на неговата краткотрајна врска со г-ѓа Ким пред повеќе од 20 години, Реј Џеј постојано се обидуваше да се поврзе со имињата на обвинителите и да ја искористи нивната слава за лична корист“, се наведува во документите.

Кардашијан тврдат дека Реј Џ. не доставил никакви докази за своите тврдења, кои тие ги нарекоа „очигледно лажни“.

„Нема федерална истрага, нема кривично гонење или истрага од страна на која било агенција за спроведување на законот во врска со обвинувањата за рекетирање против г-ѓа Ким или г-ѓа Џенер, ниту пак веродостојни докази за да се поткрепат овие обвинувања“, се наведува во тужбата.

Ким и Крис поднесоа тужба против Реј за неговата „намерна кампања на лаги и вознемирување“ со што сакаат да стават крај на неговите „години експлоатација на нивните имиња за слава“.

Нивниот адвокат, Алекс Спиро , изјави за „Пејџ Сикс“: „Крис Џенер и Ким Кардашијан никогаш претходно не поднеле тужба за клевета, ниту пак дозволиле озборувањата да ги вознемируваат, но ова лажно и сериозно обвинение ги остави без избор“.

Истрагите на RICO се спроведуваат според Законот за рекетарство и корумпирани организации и обично се користат за гонење на нарко-картели и мафијашки злосторства.

Реј Џеј, кој се појави во контроверзна секс снимка со Ким на почетокот на 2000-тите, претходно ја нападна Џенер затоа што негираше дека таа ја објавила снимката. „Она што се обидувате да ми го направите е речиси нехумано и крајно подмолно“, рече тој, меѓу другото. Претходно, тој зборуваше и за озлогласената снимка и рече дека тоа е „негативна пресвртница“ во неговиот живот.

„Веројатно е најлошото нешто што ми се случило, ако погледнете од тогаш до сега. Тоа е најлошото нешто што некогаш ми е ставено на моето име. Најодвратното, најнелегалното и најневкусното нешто“, рече музичарот, кој беше во врска со Ким од 2005 до 2006 година.

ВИДЕО | Поранешното момче на Ким Кардашијан ги тужи неа и нејзината мајка: „Полицијата доаѓа, ќе биде полошо од Диди“