Претседателот на Северна Кореја, Ким Џонг Ун, ја нарече Русија „вистински пријател“, а нејзиниот претседател Владимир Путин „најдраг пријател на корејскиот народ“.

Путин и Ким Јонг Ун дадоа изјави по потпишувањето на Договорот за сеопфатно стратешко партнерство меѓу Русија и Северна Кореја, пренесе ТАСС. 

„Во овој момент, додека целиот свет ги врти очите кон Пјонгјанг, каде пристигна мисија за пријателство од Русија, стојам со моите руски другари, вистински пријатели и соработници, во оваа свечена сала“, рече Ким Џонг Ун. Тој истакна дека склучувањето на нивниот последен „многу цврст договор“ меѓу Русија и Северна Кореја би било невозможно без „извонредната предвидливост“ и решителноста на Путин, „најдрагиот пријател на корејскиот народ“.