Несомнено е дека Кијану Ривс е еден од најпознатите актери во Холивуд, но веројатно малкумина знаат за неговата музичка кариера.

Познатиот актер свиреше во бендот „Догстар“, кој најави обединување по 21 година. Во далечната 1991 година, Ривс го формираше Догстар со Роберт Мејлхаус, додека Брет Домроуз и Грег Милер се придружија за да го надополнат бендот.

Бендот беше активен од 1991 до 2002 година, имаа бројни настапи во живо и издадоа два студиски албуми, „Our Little Visionary“ од 1996 година и „Happy Ending“ од 2000 година. Ривс свиреше бас гитара и исто така беше придружен вокал, Групата се распадна во 2002 година кога Ривс почна да се прославува во Холивуд.

Повеќе од дваесет години откако се распаднаа, Догстар повторно се обедини, а Ривс им се придружи на неговите поранешни колеги од бендот.

Минатиот месец на Инстаграм профилот на Догстар беше објавена црно-бела фотографија од бендот, со натпис: „Последно позирање на покривот во Линколн Хајтс за фотографија од бендот. Наскоро возбудливи вести. Ви благодариме за трпението“.