Украина денес објави дека размената на затвореници и тела на војници со Русија ќе се одржи „следната недела“, откако Москва и Киев разменија обвинувања за одложување на процесот.

„Почетокот на операциите за репатријација, според резултатите од разговорите во Истанбул, е закажан за следната недела (…) Сè ќе се одвива според планот“, рече шефот на украинската воена разузнавачка служба, Крило Буданов, обвинувајќи ја Москва за „комуникациски игри“.

Во Истанбул минатата недела руската и украинската делегација договорија размена на 1000 до 1200 воени заробеници.