Холивудскиот актер Кијану Ривс (60) се извртел и за малку ќе се судрел во текот на својата прва професионална трка со автомобили на една од најпознатите тркачки патеки во светот, Индијанаполис во Индијана. Ѕвездата на „Матрикс“ ја загубил контролата над својата тојота во текот на деветтиот круг од трката „Тојота ГР Куп серијата“ која ја возел оваа сабота, пренесува „Пејџ сикс“.

При вртењето, актерот слетал од патеката на тревата и за влакно избегнал судар со друг возач. Несреќата се случила некаде на половина од трката која трае 45 минути, а Ривс успеал неповреден да се врати на патеката и да ја помине целта на 23-тото место.

Како што пишува „АП њус“, во вкупниот поредок се пласирал на 31-тото место од 35 болиди, па поради тоа требало да се натпреварува и на втората, денешната трка.

Ривс вози автомобил бр. 92 БРЗРКР, кој го промовира неговиот графички роман „Книгата на друго место“, кој дебитираше во јули.

Ривс има претходно искуство на патеката, победувајќи на Големата награда на Тојота во 2009 година на Лонг Бич. Актерот е голем љубител на трките, а во јули беше забележан на „МотоГП Лики Моли моторад Гран при Дојчланд“ во Германија со својата долгогодишна девојка Александра Грант.

Тој присуствуваше и на квалификациската трка во Формула 1 за Големата награда на Британија во јули 2022 година, која ја нарече возбудлива, според „Експрес“.

– Мислам дека е неверојатно да се биде толку блиску до патеката, да се види огромната брзина и начинот на кој тие влегуваат и излегуваат во кривините – рекол Ривс тогаш.

ФОТО | Кијану Ривс со својата девојка на трка со мотори, не ја криеја љубовта

ФОТО | Секогаш свој, непроменет од славата: Кијану Ривс се прошета со шноли на главата низ Берлин