„Длабоко сме загрижени поради неодамнешните настани во Северна Митровица и очекуваме косовската полиција да спроведе темелна истрага за инцидентот. Секаков вид насилство е неприфатливо“, велат од КФОР за Косовоонлајн .

Како што е дополнително наведено во одговорот, „КФОР внимателно ја следи ситуацијата и е добро подготвен да одговори на какви било случувања што можат да влијаат на безбедноста во Косово и регионалната стабилност“.

„Ги повикуваме сите актери да се воздржат од провокативна реторика и дејствија што би можеле дополнително да ја влошат ситуацијата и негативно да влијаат врз безбедноста и стабилноста на Косово. КФОР продолжува да го спроведува својот мандат на ОН, врз основа на Резолуцијата 1244 на Советот за безбедност од 1999 година, за да придонесе за безбедна и сигурна средина за сите луѓе и заедници што живеат на Косово, во секое време и непристрасно, во тесна координација со косовската полиција и Мисијата на Европската унија за владеење на правото во Косово (ЕУЛЕКС), во нивните соодветни улоги како безбедносни сили“, изјави официјален претставник на КФОР за „Косово онлајн“.

Според видеата објавени на социјалните мрежи, инцидентот во петокот се случи во пешачка зона во Северна Митровица, во близина на главниот мост преку реката Ибар. На снимката се гледа како припадник на косовската полиција напаѓа српски средношколец и постојано го фаќа за вратот.

ВИДЕО: Косовски полицаец нападна српски матурант кој славеше на улиците во Косовска Митровица