„Во 2013 година ме осудија на 4,5 години затвор, во 2015 Апелација кажа „само“ 2 години…А денеска обвинителството „на Русковска“ ме осуди на казна – „ДОЖИВОТЕН ЗАТВОР“…Само го разбудивте зверот во мене…Ви се колнам“. Вака гласи најновиот фејсбук пост на новинарот Томислав Кежаровски по денешниот предлог на ОЈО во однос на одговорноста на сите претходно осудени во случајот „Ликвидација“.

Токму денеска обвинителката на ОЈО, Марија Ѓорѓева на судот му „понуди“ на новинарот Томислав Кежаровски да не му се суди за „Ликвидација“, поради застарување на кривичното дело за кое се гонеше, односно за откривање на идентитет на заштитен сведок.