На свои 18 години, Лила Грејс дебитираше на модната писта облечена во креациите на италијанската модна куќа „Миу Миу“.

На иста возраст и нејзината славна мајка манекенската Кејт Мос за прв пат прошета на модната писта во далечната 1992 година.

Лила се појави на модната писта за „Миу Миу“ во вторникот, а уживателите во модата и сите гости ја следеа оваа ревија виртуелно поради пандемијата на коронавирот.

Таткото на Лила е познатиот британскиот издавач Џеферсон Хак, но Лила го користи презимето на нејзината мајка – Мос додека се пробива во светот на модата.

Таа иако е на почетокот на својата модна кариера веќе има сериозен договор со својата агенција, а притоа е и заштитно лице на брендот Марк Џејкобс Бјути од 2018 година.

Кејт претходно изјави дека ја поддржува својата ќерка, во нејзината желба да стане модел.

„Оставам на нејзе“, рече таа за „Пипл“.

– Очигледно ќе ја поддржам. Ќе ја поддржам во сè што сака да работи – беше јасна Кејт.