Европскиот суд донесе одлука Аиша Гадафи, ќерка на поранешниот либиски лидер Моамер, дeка не претставува закана за мирот во регионот и дека може да биде избришана од европската црна листа.

Во одлуката на судот се нагласува дека Аиша Гадафи повеќе години не живее во Либија и не учествувала во политичкиот живот на земјата од поранешна Џамахирија, пренесува агенцијата Анса.

Аиша Гадафи по професија е адвокат, дипломирала на францускиот универзитет Сорбона, а во 2004 година со група адвокати го бранеше поранешниот ирачки претседател Садам Хусеин

Од 2009 година е амбасадор на добра волја на Обединетите нации. Таа е единствената ќерка на поранешниот либиски претседател, а од 2015 година живее во Оман.