Кери Фишер постхумно ќе добие ѕвезда на Алејата на славните, церемонијата ќе се одржи на посебен ден
Американската актерка Кери Фишер постхумно ќе добие ѕвезда на Алејата на славните во Холивуд, објавија вчера оттаму.
Препорачано
Ѕвездата на оваа актерска икона, која се прослави со улогата на принцезата Леа во филмовите „Star Wars“, ќе биде сместена недалеку од ѕвездата на актерот Марк Хамил, кој го глумеше ликот Лук Скајвокер во истата филмска франшиза.
Свечената церемонија на која ќе биде претставена ѕвездата на Кери Фишер ќе се одржи на 4 мај, денот кој е посветен на франшизата „Star Wars“.
„Среќна сум што нејзината ѕвезда ќе биде поставена покрај ѕвездата на Марк Хамил и спроти ѕвездата на нејзината легендарна мајка Деби Рејнолдс“, изјави Ана Мартинез, продуцентката на Алејата на славните во Холивуд.
На својот твитер-профил, Марк Хамил напиша дека Фишер „требала да ја добие ѕвездата многу порано“ и нагласи дека неговата колешка, дефинитивно, „ја заслужува оваа ѕвезда“.
Long overdue & so well-deserved.#CarrieOnForever❤️ https://t.co/0pWxcfjoRB
— Mark Hamill (@MarkHamill) April 24, 2023
Ќеркатата на Фишер, Били Лорд ќе ја прифати ѕвездата во името на нејзината мајка.
Како потсетување, Кери Фишер почина на 60-годишна возраст во 2016 година, откако не успеа да закрепне по доживеаниот срцев удар.
