Косовскиот новинар Адриатик Кељменди истакна дека градоначалниците на општините на север се нелегитимни и го блокираат процесот на дијалог, како и дека Косово мора да ги слуша советите на сојузничките земји, пренесува ABC News.

„Не ни е јасно каде е Косово денес во однос на оние кои ни помогнаа и каде е на геополитички план. Треба да влеземе во разговори кои на крајот ќе ги нормализираат односите на Косово со Србија, дозволувајќи им на двете страни да прогласат некаков вид на победата, Косово добива де факто признание од Србија“, вели Кељменди.

Тој додава дека ова не е време дополнително да се комплицира ситуацијата и да се влезе во натамошна ескалација која „може да доведе и до жртви“, во време кога Европа има намера да го намали просторот за конфликти.

„Ова не изгледа како мудра политика која носи резултати. Мораме да запомниме дека се што е постигнато на Косово овие години, почнувајќи од ослободувањето, е постигнато само во координација со земјите од Квинтот, а пред се со САД.  Дури и целосниот суверенитет на Косово на север ќе се постигне само ако има координација со САД и главните земји од ЕУ“, смета Кељменди.

Тој наведува дека треба да слушаме што зборуваат западните земји кои го поддржаа Косово.

„Ако тие земји ни кажат дека тоа не е вистинскиот пат кон суверенитет, верувам дека треба внимателно да се слушаат. Имаме градоначалници кои не вршат никаква функција и немаат соодветен легитимитет, бидејќи добија три проценти од гласаат, а кои сега го блокираат целиот процес за нормализација на односите со Србија“, рече Кељменди.