Кејт Винслет како фоторепортерка од периодот на Втората светска војна
Марион Котијар, Џуд Лоу, Андреа Рајзборо ќе се појават во филмот за Елизабет „Ли“ Милер
Актерите Џуд Ло, Марион Котијар, Андреа Рајзборо и Џош О’Конор ќе ѝ се придружат на оскаровката Кејт Винслет („The Reader“) во претстојниот филм „Ли“.
Препорачано
#KateWinslet to play the iconic photographer Elizabeth Lee Miller in the future biopic product by @hopscotch pic.twitter.com/ZtrrpwK2eX
— LeMagduCiné (@LeMagducine) October 13, 2015
Филмот што ќе биде во режија на Елен Курас („The Betrayal“) и ќе се снима според сценарио на Лиз Хана („Mind Hunter“, „The Post“) се заснова на книгата „The Lives of Lee Miller“ од Ентони Пенроуз и има за цел да прикаже сегменти од животот на Елизабет „Ли“ Милер, која ја напушти својата гламурозна кариера како модел за магазинот „Vogue“ за да стане фоторепортер за време на Втората сцетска војна. Ли ги пренесе борбите на сојузничките фронтови и ги разоткри злосторствата што Хитлеровата нацистичка Германија ги вршеше врз Евреите во концентрационите логори.
– Ова апсолутно не е биографски филм. Да се прикаже целиот живот на Ли, потребно е да се сними серија вредна за HBO. Она што сакавме да го направиме е да ја пронајдеме најинтересната деценија од нејзиниот живот, онаа што ја дефинираше Ли и она во што таа се претвори како резултат на она низ што поминала. Тоа беше периодот од 1938-1948 година, периодот кој ја одведе токму низ војната и нејзиното најодредувачко време. Тоа е приказната што сакаме луѓето да ја знаат за Ли повеќе од многуте други делови од нејзиниот живот. – изјави Винслет за „Deadline“, додавајќи дека филмот ја допира моќта на феминизмот и негирањето за воените злосторства.
View this post on Instagram
View this post on Instagram
Кој сè ќе се појави во „Ли“?
Според филмскиот сајт, Винслет ќе ја глуми Милер, додека пак на Ло му беше доделена улогата на Роланд Пенроуз, уметник и поет кој се вљубува во Милер. О’Конор ќе ја толкува улогата на синот на Милер, Ентони Пенроуз, Рајзборо ќе ја глуми Одри Витерс, уредничката на британскиот „Vogue“ како блиска пријателка на Милер, а Котијар ќе ја игра Соланж Д’Ајен, модната директорка на францускиот „Vogue“.
Финола Двајер, Трој Лум и Ендрју Мејсон од „Hopscotch Features“ ќе продуцираат заедно со Винслет, додека пак Хана ќе биде извршен продуцент. Кинематографер е Павел Еделман, а музиката е на Александре Десплат. За костимите е задолжен Мајкл О’Конор, додека пак Ивана Приморак ќе се погрижи за шминката. Сите членови на филмската екипа се или добитници на Оскар или номинирани.
Се очекува филмот да започне со продукција на почетокот на следната година.
