Независниот пратеник Кастриот Реџепи останал без телохранителите кои државата му ги додели веднаш откако не поддржа промена на мнозинството, односно откако ја спаси Владата на СДСМ и ДУИ во ноември 2021 година.

Тој во изјава за весникот „Лајм“, вели дека не се чувствува загрозен, но и дека не добил објаснување зошто му е укинато обезбедувањето. Според Реџепи, бодигардите биле тргнати веднаш по проширувањето на Владата со Алијансата за Албанците. Тој се сомнева дека ваквата одлука е одмазда бидејќи тој е близок со „огнената група“, сега фракција на ДУИ.