Градоначалникот на Тетово и претседател на Движењето Беса, Биљал Касами, изјави дека ДУИ свесно навлегува во меѓуетничка реторика наместо да се фокусира на локалните проблеми.

„Повикувам сите експоненти да се вратат на локалните избори и локалните теми. Треба да понудиме решенија за реалните проблеми на граѓаните,“ рече Касами.

Тој додаде дека како градоначалник се залага за инвестиции во сите населби, а токму тоа, според него, е причината за нападите од ДУИ.

Во врска со темата за прислушкување, Касами потсети дека како опозиција имале сознанија дека и нив ги следеле.

„Ако до вчера се прислушкуваа опозиционери, тоа може да им се случи денеска на тие што до вчера беа власт. Институциите мора да реагираат,“ нагласи тој, при промоцијата на проект за водовод во населбата 146 во Тетово.