Преку мобилната апликација „мЗаедница” и веб страната www.mzaednica.mk, граѓаните на Општина Карпош можат да даваат свои предлози за учесници на традиционалниот настан „Културно лето Карпош 2021″.

Иницијативата за доставување на предлози ќе биде отворена до 14 јули 2021 година. Апликацијата „мЗаедница” може да се преземе бесплатно преку App Storе (https://apple.co/2SbERqJ) и Google Play (https://goo.gl/Y9qhpE).

Од општинската прес-служба информираат дека манифестацијата ќе се одржи кон крајот на летото, каде и оваа година фокусот ќе биде насочен кон домашните артисти и уметници.

– Веќе трета година, локалната самоуправа ја поддржува македонската културна сцена, истовремено нудејќи содржини за сите генерации. Програмата започнува со дел за деца и млади, а продолжува со забавна музика на наши пејач(к)и и групи, посочуваат од општината.

Од Општина Карпош потенцираат дека континуирано го зголемуваат граѓанското учество при креирање на сите проекти, за да создаде заедница која одговара на потребите на сите граѓани.