Фудбалерот на Реал Мадрид, Карим Бензема (35) денеска преку социјалните мрежи соопшти дека се повлекува од француската репрезентација.

– Вложив многу труд, направив грешки и сето тоа ме донесе до каде што сум денес и горд сум на тоа. Ја напишав мојата приказна, а нашата завршува – напиша Бензема на својот Инстаграм профил, заедно со фотографија на која го носи дресот на француската репрезентација.

Фудбалерот на Реал Мадрид се повреди непосредно пред Светското првенство во Катар. Тој се најде на списокот на играчи за Мундијалот, а францускиот селектор Дидие Дешан не повика замена за играчот на Реал.

Бензема во меѓувреме се опорави од повредата, но Дешан реши да го остави играчот на Реал надвор од тимот. Франција не успеа да ја одбрани титулата на Светското првенство во Катар, откако синоќа во финалето беше поразена од Аргентина во пенал серијата.

View this post on Instagram

A post shared by Karim Benzema (@karimbenzema)

Бензема (35) за Франција од 2007 до 2022 година одигра 97 натпревари и постигна 37 голови. Тој не играше за Франција од 2015 до 2021 година, откако беше вклучен во скандал со уцена на соиграчот Матје Валбуена.

Со француската репрезентација ја освои Лигата на нации во 2021 година, а минатата сезона ја доби „Златната топка“ за најдобар светски фудбалер.