Нголо Канте и Рубен Лофтус-Чик не се наоѓаат меѓу 29-те фудбалери на Челси што ќе заминат на подготовки и на турнеја во САД бидејќи не се вакцинирани.

Имено, Канте и Лофтус-Чик немаат примено две дози на вакцини против коронавирус, што е услов за влез во САД на странски државјани.

– Нголо Канте и Рубен Лофтус Чик не се меѓу 29- те патници за САД поради нивниот „вакцинален“ статус – соопшти Чечси.

Челси првиот натпревар на подготовките во САД ќе го игра на 16 јули против мексиканскиот Клуб Америка во Лас Вегас, а четири дена подоцна ќе игра против Шарлот.

„Сините“ турнејата ќе ја завршат на 23 јули во Орландо каде ќе играат против ривалот од Премиер лигата, екипата на Арсенал.