„Почитувана Каја Шукова, емисијата „Само вистина“ и дебатата на кандидатите за градоначалници на Скопје не е откажана, туку променет е терминот на одржување“, реагира вечерва телевизијата „Канал 5“ откако кандидатката на СДСМ, Каја Шукова, на „Фејсбук“ напиша дека нејзиниот ривал од ВМРО-ДПМНЕ, Орце Ѓорѓиевски, одбил да учествува во телевизиското предизборно соочување, кое според неа поради тоа било откажано.

„Ве молам за доследно споделување на информациите, во име на вистината а во име на „Канал 5“ барам да го коригирате манипулативниот збор „одбил“, кој воопшто не беше употребен денес од моја страна“, се вели во објавата на телевизијата, потпишана од „Ана Торевска, продуцент на Само вистина“.

Шукова вели дека телевизиска дебата е откажана зашто Ѓорѓиевски не се појавил