Кошаркарската ѕвезда на Оклахома сити и канадски репрезентативец, Шеј Гилџес-Александер, е пред потпишување на нов супер-максимален договор со актуелниот НБА шампион. Договорот, кој ќе важи до 2031 година, ќе го направи најплатениот кошаркар во историјата на лигата.

Вредноста на договорот се проценува на 285 милиони долари, што значи дека Гилџес-Александер ќе инкасира над 70 милиони долари по сезона нешто што досега не е видено во НБА. Со тоа, ќе симне од тронот досегашниот рекордер Стеф Кари, кој девет години ја држеше титулата за највисока плата.

Breaking: NBA MVP Shai Gilgeous-Alexander has agreed to a four-year, $285M super maximum contract extension with the Thunder through 2030-31, sources tell @ShamsCharania.

It’s the richest annual salary for a player in league history.

Get breaking news alerts from Shams Charania… pic.twitter.com/nSbiSCEv8I

— ESPN (@espn) July 1, 2025

И тоа не е случајно, Гилџес-Александер зад себе има фантастична сезона со Оклахома. Тој ја предводеше екипата до шампионскиот прстен, беше прогласен за МВП на регуларниот дел од сезоната, МВП на финалето на Западната конференција, како и МВП на големото финале. Дополнително, беше најдобар стрелец на сезоната, избран во Ол-стар тимот и во идеалната петорка.

Со овие достигнувања, 26-годишниот бек стана само четвртиот играч во историјата на НБА кој успеал во една сезона да биде МВП на лигата, МВП на финалето и најдобар стрелец, подвиг кој досега го имаат остварено само легендите Карим Абдул-Џабар, Мајкл Џордан и Шекил О’Нил.

Гилџес-Александер во текот на сезоната бележеше просек од 32,7 поени, 5 скока и 6,4 асистенции по натпревар. Тој стана дел од Тандерс во 2019 година и оттогаш е моторот на тимот, а сега и симбол на новата династија во НБА.