„Кампусот не е полициска станица“ – протест во понеделник пред Правниот факултет во Нови Сад
Академската мрежа на Слободниот универзитет во Нови Сад ги повика студентите и вработените во факултетот на протест под наслов „Кампусот не е полициска станица“, пренесува Н1.
Препорачано
Протестот ќе се одржи во понеделник на 15 септември, кај фонтаната пред Правниот факултет на кампусот на Универзитетот во Нови Сад, со почеток во 11:52 часот.
Тие ги повикаа наставниците, истражувачите, студентите и вработените да застанат заедно во одбрана на Универзитетот во Нови Сад.
„Кампусот не е полициска станица – тој припаѓа на знаењето, слободата и академската заедница. Да покажеме единство!“, се наведува во повикот.
Повикот за протестот дојде откако полицијата влезе во Филозофскиот факултет на 26 август, а во Факултетот за спорт и физичко образование на 1 септември.
Студентите и граѓаните во неколку наврати протестираа против присуството на полиција во зградите на факултетот и бруталноста на припадниците на жандармеријата и полицијата кон демонстрантите.
По инцидентите што следеа по студентскиот протест на 5 септември, полицијата, заедно со ректорот Дејан Мадиќ, влезе во зградата на Ректоратот.
