Во неодамнешната епизода од подкастот на манекенката Моли Симс, актерката Камерон Дијаз изјави дека треба да се нормализира брачните парови да имаат, не само одвоени спални, туку и посебни куќи.

„Буквално би ми било добро секој да има своја куќа, а потоа друга семејна куќа на средина. Јас ќе одам да спијам во мојата соба, а ти оди во твојата. Во средината имаме семејна куќа каде што можеме да бидеме сите заедно“, вели Камерон Дијаз.

Иако смета дека тоа треба да се нормализира, актерката признава дека тоа не е она што таа и нејзиниот сопруг Бенџи Маден го практикуваат.

„Сега не го практикувам затоа што мојот сопруг е прекрасен. Но, така мислев пред да се омажам“, додаде таа.

Инаку, Камерон Дијаз се омажи за пејачот на „Гуд Шарлот“ во 2015 година во Лос Анџелес. Бенџи Маден ја охрабри целосно да се повлече од центарот на вниманието како холивудска актерка и да се посвети на семејниот живот.