Во камерната сала на Филхармонија на 6 ноември, во 20 часот, Камерниот оркестар „Скопски солисти“ ќе го изведе концертот со наслов „Волшебна музика“. Како солист ќе настапи пијанистката Марија Ѓошевска, а диригент е Бисера Чадловска.

На програмата се дела од композиторите Перголези, Моцарт, Барбер, Илин и Шостакович.

Камерниот оркестар „Скопски солисти“ на македонската музичка сцена се појави во 2000-та година. Оваа благородна и убава идеја, по примерот на Загребските, Софиските и други слични оркестри на Балканот, ја реализираше реномираниот обоист Васил Атанасов, кој воедно е и уметнички раководител на ансамблот.

Ансамблот презентира камерна музика, од барок до современа музичка литература, со истакнато чувство и респект кон македонското музичко творештво.