Камери првпат снимија членови на изолираниот народ Масако во Амазон
Овие луѓе имаат право на живот, на својата земја и на избраниот начин на живот, но почитувањето на правата на изолираните домородни народи е исто така суштинско за зачувување на прашумите
Автоматските камери направија уникатни фотографии во амазонската прашума во Бразил, на кои првпат може да се видат членови на изолираниот народ Масако.
Препорачано
Според сè, припадниците на оваа нација напредуваат и се развиваат , пишува весникот Гардијан.
Фотографиите прикажуваат група мажи од оваа нација, која го добила името по реката што тече низ нивната територија , но не е познато како се нарекуваат себеси, додека нивниот јазик, општествена организација и верувања остануваат мистерија.
И покрај постојаниот притисок и заканите од земјоделската индустрија, рударските компании, уништувањето на шумите и дилерите на дрога, населението на народот Масако е најмалку двојно зголемено од раните 90-ти.
Isolados do Massaco: imagens inéditas revelam etnia da Amazônia jamais vista https://t.co/GJ0d1Jmrc0
— Jornal O Globo (@JornalOGlobo) December 22, 2024
Според проценката на бразилската Национална фондација за домородните народи (Фунаи), оваа заедница сега има меѓу 200 и 250 членови.
Фондацијата „Фунаи“, која со децении работи на заштита на оваа област, постави камери на местото каде што нејзините членови повремено оставаат метални предмети како подарок за домородната заедница.
На овој начин успеале да ги снимат луѓето од Масако, кои до сега немале никаков контакт со цивилизацијата.
Досега, експедициите на Фондацијата Фунаи успеаја да ги снимат населбите на народот Масако, за кои сателитски снимки потврдија дека се напуштени.
Годините на набљудување донесоа сознанија дека овој народ лови со лакови долги три метри, како и дека се движи од место до место во прашумата.
Како начин да ги одвратат странците да им се приближат, членовите на заедницата Масако заглавуваат илјадници шили во земјата што можат да ги дупнат гумите на возилата или да ги повредат стапалата.
„Овие луѓе имаат право на живот, на својата земја и на избраниот начин на живот, но почитувањето на правата на изолираните домородни народи е исто така суштинско за зачувување на прашумите“, рече ко-основачот на Институтот за еколошки истражувања на Амазон, Пауло Мутињо.
