Англискиот репрезентативец и фудбалер на Манчестер сити, Калвин Филипс би можел да го засили Њукасл во текот на следниот зимски преоден рок.

Според англиските медиуми Њукасл е најконкретен во преговорите со Филипс, кој претходно беше поврзуван со Вест хем, но и со бројни премиерлигаши.

Не е невозможно Филипс да замине на позајмица до крајот на сезоната, кога Њукасл и Манчестер сити ќе преговараат за потенцијален откуп на договорот на играчот.

Филипс не е задоволен од својата минутажа на „Етихад“, особено што не играше многу кога Родри заработи суспензија од три натпревари поради црвениот картон против Нотингем форест.

Филипс сака да ја претставува Англија на Европското првенство во 2024 година и затоа е неопходно од јануари да биде стандарден во својот тим, а се чини дека Њукасл е одлична дестинација за тоа.