Како Виена се бори за велосипедска доминација?
Иако велосипедистите ги ценат подобрувањата, остануваат проблеми како недоволна мрежа, слаба свесност кај возачите и прекумерно фокусирање на статистики наместо функционални решенија. Коалицијата СПО и Неос инвестираше многу време и финансии за изградба велосипедска инфраструктура, со цел подобар урбан транспорт во градот.
Во Виена, под управување на СПО и Неос, изградени се 73 километри велосипедска инфраструктура за 130 милиони евра. Четири активни велосипедисти ја делат својата перспектива за тоа како овие инвестиции влијаат на секојдневниот живот – и што сè уште останува да се подобри.
Препорачано
Велосипедизмот е политички контроверзна тема во главниот град. Зелените го водеа овој сектор во последните десет години, од 2020 година одговорноста ја презеде СПО, конкретно советничката за сообраќај Ули Сима.
Според коалицискиот договор, СПО- HEOC коалициjaта се обврза на инвестиции од 20 милиони евра годишно до 2025 година за изградба на велосипедски патеки . Оваа цел веќе беше постигната минатата година, нагласуваат Сима и Анџелика Пипал-Лејкснер од Неос.
Буџетот за велосипедизмот порасна значително, во 2021 година беа потрошени 14,4 милиони евра, додека во 2023 година изнесуваше 53 милиони евра. Вкупно, од 2021 година, градот вложи 129,5 милиони евра. Делумно, Виена успеа да добие рефундирање на средствата од федералната влада во висина од 2,8 милиони евра за 2021 година, што е мал дел од вкупните трошоци.
За 2025 година, Сима планира уште 30 милиони евра за изградба на 24 километри велосипедска мрежа, со уште 10 проекти кои се веќе во реализација. Идна голема инвестиција е модернизацијата на Ландштрасе Хауптштрасе со посебни патеки за велосипеди и зони за пешаци, како и подобрување на велосипедската инфраструктура на Рингштрасе.
Досега, под СПО и Неос, изградени се 72,7 километри вакви патеки.
Од нив, 50,4 километри се физички одвоени од коловозот, 14,7 километри се велосипедски улици, а останатите 7,7 километри се други објекти во вид на Комбинирани пешачко-велосипедски патеки, Надградби на постоечките патишта или Специјални решенија како велосипедски мостови или тунели. Сепак, некои проекти од 2022 година сe уште се во изработка, како на пример пешачко-велосипедската патека во Албернер Хафен, каде процесот е одолговлечен поради потребните дозволи поврзани со железничката пруга.
Според интерактивната мапа на Мобилитетсагентур, има околу 30 објавени проекти од 2022 до 2024 година кои сè уште се во изградба, додека пет други се во подготовка.
Но, како се чувствуваат велосипедистите?
Роберт Фукс, еден од интервјуираните, ги цени подобрените врски, како во Виднер Хауптштрасе и Аргентинерштрасе, каде велосипедистите имаат повеќе простор и безбедност. Тој ги наведува велосипедските улици како позитивен чекор, иако возачите на автомобили сe уште не се доволно свесни за нивното постоење.
Сепак, остануваат проблеми, отворањето на улици за велосипеди е добар потег, но недостасуваат доволно такви правци, а паркираните автомобили често ги блокираат. Фукс смета дека треба да се намалат паркинг-местата за да се осигура безбедно движење.
Други велосипедисти критикуваат дека политичарите премногу се фокусираат на бројки – колку километри се изградени или колку милиони се потрошени – наместо на креирање на целосна и функционална мрежа. Потребен е културен пресврт каде пешаците и велосипедистите ќе бидат приоритет, а не автомобилите.
