По катастрофалниот земјотрес во 1963 година, започна обновата на Скопје, а до 1980 година градот беше повторно изграден, делумно според големиот план на Кензо Танге, кој бил поддржан од Обединетите нации, а делумно спроведен од наши архитекти.

Кензо Танге, јапонски архитект и добитник на Прицкеровата награда во 1987 година, со примената на елементи од современата архитектура во комбинација со традиционалната јапонска архитектура, конструирал градби на пет континенти и се смета за еден од најдобрите архитекти на ХХ век.

Во 1965 година, Танге бил замолен да го изработи урбанистичкиот план на градот Скопје, кој по земјотресот во 1963 година бил 65% разрушен.

Танге се согласил да го изработи планот и добил 60% од средствата предвидени за обновата, додека останатите 40% му биле доделени на архитектонскиот тим од СФР Југославија, којшто соучествувал во обновата.

Планот за обнова кој го изработил Танге бил налик на оној за Токио од 1960 година.

За жал, планот бил само делумно исполнет, а од неговите конструкции биле изградени новата железничка станица и линијата на станбени згради во центарот на градот, познати како „градски ѕид“.

Големиот план на Танге во тоа време многумина го сметале за контроверзен.

Овие фотографии прикажуваат како би изгледал градот Скопје ако целосно се спроведела замислата на Кензо Танге.

 

View this post on Instagram

 

A post shared by SLOBODEN PECAT (@slobodenpecat)