Во 62-та година од животот, Том Круз сè уште изгледа како акционен херој – изведува вратоломии, трча по покриви и има тело на кое би им завидувале и мажите двојно помлади од него. И додека генетиката и тренингот сигурно играат улога, клучот за неговата младешка енергија сè уште лежи во – исхраната.

Диета со контрола на калориите

За разлика од многу познати личности кои се потпираат на богата и висококалорична диета полна со протеини, Круз внесува само околу 1.200 калории дневно. Оваа нискокалорична рутина му помага да ја одржи мускулната маса и да ги избегне масните наслаги. Но, тоа не значи дека гладува – напротив, тој едноставно избира попаметно: квалитетот и хранливата вредност на храната му се поважни од квантитетот.

15 ужини наместо три големи оброци

Еден од најинтересните делови од неговата исхрана е тоа што не ги јаде класичните три оброци дневно. Наместо тоа, се одлучува за дури 15 помали ужини. Внимателно одбраните намирници му даваат стабилна енергија и важни хранливи материи, без да го надмине ограничувањето на калориите.

Без шеќер и со многу интегрални намирници

Преработените шеќери се целосно елиминирани од неговото мени. Наместо тоа, тој го засладува денот со природни шеќери од овошје, што исто така му помага полесно да се справи со стресот. Особено ги сака боровинките – богати со антиоксиданси. Додека другите посегнуваат по чоколадо, тој избира свежо овошје кое му помага да остане со бистар ум и физички активен.

Без алкохол и секогаш добро хидриран

Круз не пие алкохол – ниту на црвениот тепих, ниту приватно. На овој начин, го штити црниот дроб, останува хидриран и полн со енергија. Кога е во друштво, обично избира освежителни варијанти со лимон, ѓумбир или нане – не само поради вкусот, туку и поради нивниот детокси ефект.

Подготовка без масло и путер

За да се избегнат непотребни масти и калории, неговата храна најчесто се готви на пареа или се пече без масло, путер или тешки сосови. Наместо тоа, користи многу зачини – како куркума и ѓумбир – кои не само што додаваат вкус, туку имаат и силно антиинфламаторно дејство. Храната се подготвува на пониски температури за да се зачува хранливата вредност на храната.

Што всушност има на неговата чинија?

Оброците на Том Круз се богати со посни протеини и зеленчук богат со антиоксиданси. Лосос, спанаќ, брокула, домати, цвекло и маслиново масло често се наоѓаат на менито – сите тие придонесуваат за здравјето на срцето, намалување на воспаленијата и кожа со младешки изглед. Повремено јаде и малку темно чоколадо, суров овес или неколку јаткасти плодови кои обезбедуваат здрави масти и стабилна енергија.

Додатоци во исхраната – за секој случај

Покрај внимателно одбраните намирници, Круз користи и додатоци – витамини и минерали – за да надомести сè што можеби нема да го внесе преку оброците. Ова е особено важно затоа што внесува помалку калории, а сепак мора да остане во врвна форма за напорните сцени што ги снима.

Зошто овој начин на исхрана функционира?

Она што го практикува Том Круз е многу слично на антиинфламаторниот начин на живот. Избегнува индустриски преработена храна, шеќери и рафинирани јаглехидрати и се потпира на антиоксиданси и здрави масти. Резултатот е помал ризик од хронични заболувања, подобро варење, посилен имунитет, почиста кожа, подобра концентрација и побавно стареење, пишува Onlymyhealth.com.